ប្រិយមិត្ត​ដែល​កន្លង​មក​ទន្ទឹង​ចាំ Jailbreak iOS 7 យ៉ាង​អន្ទះសា​តែ​ស្ងាត់​ដូច​ចោរលួច​សេះ​នោះ ទីបំផុត​ថ្ងៃ​នេះ ក្រុម​ដ៏​ល្បី​ឈ្មោះ​ដែល​កន្លង​ទៅ jailbreak iOS 6 បាន​យ៉ាង​ជោគជ័យ Evad3rs នោះ បាន​ប្រកាស​អាច jailbreak ប្រព័ន្ធ​ប្រតិបត្តិការ iOS 7.0/7.0.1/iOS 7.0.2/iOS 7.0.3 និង iOS 7.04 បាន​ជោគជ័យ ១០០% ហើយ នៅ​លើ iPhone, iPad និង iPod touch។ ដូច្នេះ​ហើយ ទំព័រ​នេះ Sabay សូម​លើក​យក​ពីរបៀប​ jailbreak មក​បង្ហាញជូន​ប្រិយមិត្ត​ដូច​តទៅ។ តោះ​កុំ​ឲ្យ​ខាត​ពេល​យូរ​ សូម​អនុវត្ត​​តាម​ជំហាន​ដូច​ខាង​ក្រោម៖

១.ដើម្បី​ទាញ​យក​ evasi0n 7 ដែល​ជា​កម្មវិធី​មួយ​សម្រាប់ Jailbreak
សម្រាប់ MAC និង​សម្រាប់ Windows សូម២. ត្រង់​នេះ ខ្ញុំ សូម​លើក​យក​កម្មវិធី evasi0n ដែល​ដំណើរការ​ដោយ​ Windows Operating System មក​បង្ហាញ​ជូន។ បន្ទាប់​ពី​ទាញ​យក​រួច ត្រូវ​ពន្លា​ឯកសារ Zip នោះ រួច​ហើយ​បើក​ឯកសារ​ដែល​មាន​ឈ្មោះ evasi0n7.exe។​​ (មើល​រូបខាង​ក្រោម)
៣. ​ដោត​បញ្ចូល​ iDevice មិន​ថា iPhone 5S, iPhone 5C, iPhone 5, iPhone 4S, iPhone 4, iPad 2, iPad 3, iPad 4, iPad Air, iPad mini, iPad mini 2, iPod touch 5 ទៅ​ក្នុង​កុំព្យូទ័រ​ ពេល​នោះ​ evasi0n7 នឹង​បង្ហាញ​ប៊តុង Jailbreak។ ចំណាំ៖ រាល់ iDevice ខាង​លើ​ ប្រសិន​បើ​កន្លង​មក Update ពី iOS 6.1.x ឡើង iOS 7 តាម Settings នោះ​នឹង​ជួប​បញ្ហា​ខណៈពេល​កំពុង jailbreak ដោយ​ចេញ​តែ​រូប​ឡូហ្គូ​​ Apple។ ដោយ​ឡែក​សម្រាប់​ iDevice ដែល​​កន្លង​មក​ update ឡើង iOS 7 តាម iTunes ភ្ជាប់​ជា​មួយ​កុំព្យូទ័រ​ នោះ​ពុំ​មាន​បញ្ហា​អ្វី​នោះ​ទេ ។
៤. នេះ​ជា​ដំនើរ​ការ​នៃ​ការ​ Jailbreak iOS 7
៥. ខណៈពេល​កំពុង​ដំណើរ​ការ​ jailbreak នោះ iDevice របស់​ប្រិយមិត្តនឹង​ reboot។ បន្ទាប់​មក​ចុច​លើ icon របស់ evasi0n7 ដើម្បី​ដំណើរ​ jailbreak បន្ត …
៦. ចុង​ក្រោយ​នឹង​លេច​ចេញ​​ icon ឈ្មោះ Cydia​ នៅ​លើ​​ក្នុង​ម៉ឺនុយ ហើយ​កុំ​ភ្លេច​ Exit ពី evasi0n7(មើល​រូប)
ទោះ​ជា​យ៉ាងណា​ Cydia នៅ​លើ iOS 7 ពុំ​ទាន់​ត្រូវ​បាន​ដាក់ឱ្យ​មាន​​ក្ដារ​ចុច​ពុម្ព​អក្សរ​ខ្មែរ​នៅ​ឡើយ។